KVEÐJU PARTÝ !!!!

Eydís & Freymar eru að fara í burtu í 8 mánuði að ferðast til Thaílands, Ástralíu og Nýja Sjálands... væri gaman að sjá sem flesta!




ÞAÐ ERU ÖLLUM GÖMLUM SEM NÝJUM TÁLKNFIRÐINGUM BOÐIÐ !!!!

Þá er þorrablótið afstaðið en það var haldið í Glaðheimasalnum í Kópavogi að þessu sinni ogkom það bara vel út fannst mér, vona ég að allir hafi skemmt sér jafn vel og ég. Það er nú ekki alveg laust við það að nefndin hafi verið fremur stressuð á tímabili en allt fór þetta nú vel. Geir sá um veislustjórn og söng, stóð hann sig með prýði í borðbæninni en það er ekki hægt að byrja þorrablót nema heyra hann fara með þennan skemmtilega söng og vil ég fyrir hönd fráfarandi nefndar þakka honum fyrir sitt framlag. Hún Palla Stína setti svo saman annálinn (takk kærlega fyrir það Palla) en þar sem hún Sara ákvað að vera stödd erlendis á meðan þessi skemmtun fór fram varð víst að finna annan aðila til að lesa hann og varð það hann Pétur sem tók það hlutverk að sér, stóð hann sig vel í því hlutverki. Óli Sveinn sá svo um skemmtiatriðin og fékk með sér þau Árna, Eydísi og Daníel til að leika í leikþætti. Ekki er nú að spyrja að því að þetta var hin mesta skemmtun, þökkum þeim einnig fyrir sitt framlag. Óli las svo upp topp 10 lista yfir þá hluti sem Tálknfirðingar verða að gera áður en þeir deyja... já eða flytja á Patró !! Þetta var snilldin ein (spurning hvort hann sé til í að skella listanum hér inn einhvern tíman við tækifæri).  Samkvæmt hefðinni voru að sjálfsögðu einnig seinni partar, hann Kristján Hannesson skellti saman fyrripörtum (þökkum honum fyrir það en fólk fékk svo tíma yfir matnum að koma með einhverja góða seinniparta, margir voru þeir góðir og svo voru sumir ekki alveg jafn góðir hehe... Hún Sirrý okkar Pétursdóttir vann þá keppni og fékk veglegan vinning fyrir. En það var reyktur silungur frá Tungusilung, harðfiskur frá Særöst og svo gjafa askja frá Villimey með kremum og varasalva. Við skelltum líka upp smá happdrætti svona til gamans, hlutu Jóna, Maja, Badda, Jón Gísla og (Björgvin Sigurjóns) ... þá vinninga sem í boði voru (harðfiskur frá Særöst og krem frá Öllu).  Í fyrra voru veittir tveir bikarar í fyrsta skipti og ákváðum við að halda því áfram. Annar var fyrir að stuðla að samheldni brottfluttra Tálknfirðinga og var það að sjálfsögðu hún Eydís Hulda sem fékk þau en hún er búin að standa sig frábærlega með Myspace síðunni sem og að undirbúa hittinga. Hinn var fyrir góða mætingu og ákváðum við að Steindór og Unnur myndu fá hann sameiginlega en þau hafa verið sérlega dugleg að sækja þessar samkomur. Það hefði nú átt að koma fram í gær að hann Helgi Dagur gaf bikarana sem veittir voru en í öllu stressinu gleymdist vist að taka það fram en takk engu að síður fyrir þitt framlag Helgi.  Ný nefnd var krýnd í lokin og voru valin þau Ingólfur Helgason og Eydís Hulda, þau eiga svo sannarlega eftir að standa sig með prýði og höfum við fulla trú á þeim til að gera þetta algjörlega frábært í alla staði.  Hljómsveitin Ford `57 lék svo fyrir dansi fram eftir nóttu og var ekki annað að sjá en fólk hafi skemmt sér með prýði á dansgólfinu. Bæði salurinn og hljómsveitin voru mjög góð og get ég vel mælt með þeim í næstu samkomum.

Sérstakar þakkir fá styrktaraðilar blótsins en þeir sem veittu okkur aðstoð voru Tungusilungur, Villimey, Særöst, Sterkur og Bergdís.

Takk Pétur fyrir gott og skemmtilegt samstarf.

Takk allir fyrir komuna og að gera þetta að þeirri skemmtun sem þetta var.

Takk fyrir mig

kv. Óla

Þorrablótið á Tálknafirði

verður haldið 26. janúar næstkomandi.

Til að auðvelda brottfluttum Tálknfirðingum og öðrum höfum við í þorrablótsnefnd  haft samband við allflesta gistihúsaeigendur á  Tálknafirði og hafa þeir allir tekið vel í að gefa góða

 afslætti af gistingu þessa helgi,

einnig höfum við haft samband við Sæferðir og bjóða þeir

40 % afslátt af ferðum með Baldri

yfir Breiðafjörð fyrir þorrablótsgesti. 

Gistiheimili á Tálknafirði: 

Gistiheimilið Bjarmaland         s: 8619749

Gistiheimilið Hamraborg         s: 4562514

Gistiheimilið Skrúðhamrar      s: 4560200

Orlofsíbúð Túngötu 21           s: 4562534

Sumarhúsabyggð Tálknaf.      s:  8440145/8614986 

Pöntunar sími Sæferða    s: 4381450  

Fyrir hönd þorrablótsnefndar      

 Vignir Arnarson  s: 8610381

Þá er loksins komið að því!  Þorrablót brottfluttra Tálknfirðinga verður haldið laugardaginn 2. febrúar n.k.  Í ár verður blótað í Glaðheimasalnum, Álalind 3, 201 Kópavogi.Að venju verður boðið upp á fjölbreytta og þjóðlega dagskrá og fyrsta flokks veitingar.  Hljómsveitin „Ford ‘57“ leikur fyrir dansi og tryggir fjör fram eftir nóttu. 

Veislustjórn:  Snæbjörn Geir Viggósson

Vinsamlegast gerið miða- og borðapantanir fyrir 29.janúar hjá:

Pétur Sigurðsson                  862-0162 / petursig@gmail.com
Guðrún Ólöf Þórsdóttir       894-8839 / gudrunot@gmail.com

Við hvetjum alla þá sem lúffu og ullarsokki geta valdið að mæta. Notum tækifærið og tökum þátt í skapa stærsta „hittingi“ ársins.

 Það kom fram á heimasíðunni heimsfraegirtalknfirdingar.is að búast má við mjög vönduðu og vel leiknu skemmtiefni á Þorrablótinu. Undirritaður náði að vista hluta af efninu áður en heimasíðunni var lokað, vegna fjölda áskorana eftir nokkur alvarleg atvik hláturskasta...

Topp 10 listinn yfir atriði sem Tálknfirðingar verða að gera áður en þeir deyja – eða flytja á „Patró“.

Nr. 10 -  Að hafa farið í kaffi til Stebba á Lambeyri... og trúað lygasögunum hans J

Nr. 9 – Að hafa fengið hellur í eyrun af því að Jörgína hló svo hátt J 

Meira efni náðist því miður ekki í þessu niðurhali en undirrituðum tókst þó að lesa leikþátt sem verður vaflaust frumsýndur á „blótinu“ þar mun hinn mikli misskilningur um hina meintu olíuhreinsunarstöð vera leiðréttur.Hlökkum til að sjá ykkur öll.

Kveðja – Lappi.

Gleðilegt ár öllsömul!

Ég vona að allir hafi notið hátíðanna til hins ítrasta og ég vil koma á framfæri öfund til þeirra sem fóru vestur, ég saknaði þess sárlega. 

Annars er kominn tími á að lyfta upp þessum félagsskap aðeins upp og ég auglýsi eftir fólki sem vill hjálpa mér og Eydísi (að henni óspurðri) að koma saman Hitting. Ég ætla að vera með aftur í þessu þó ekki nema til að halda þessu gangandi, mér þykir gaman að hitta skemmtilegt fólk einsog allir Tálknfirðingar eru

Hver og hver og vill?? 

ER EINHVER SEM GETUR HALDIÐ PARTY Á LAUGARDAGINN FYRIR HITTIG?!?!?!?!

...Er með GEGGJAÐ hitting tilbúin ef einhver bíður sig fram, látið þetta berast!!!!

...án djóks, snilldar hittingur tilbúin...

Kv: Eydís!!

Í gær fæddist lítill Árnýjarson og Magga. Hann kom í heiminn 14,5 merkur og 51cm.

Fögnum þessari viðbót við Tálknfirska kynstofninn og óskum þeim til hamingju með litla sólargeislann  

Munið bara að ef þið skálið um helgina, takið eina skál þeim til handa.

Karvelio. 

Þar sem party-ið átti að vera... er ekki lengur í boði, svo það verður enginn hittingur um helgina nema einhver er tilbúin að bjóða sig fram að halda það!